平手盤辛尼特有着素
歐霸盃16強首回合，瑞士巴素利主場迎戰俄羅斯辛尼特，辛尼特級數明顯高一籌，深信佢哋喺經過兩回合賽事後可以順利打入8強，首回合即使作客亦有能力坐和望贏，平手盤撐客軍。

侯克撻着巴素利捱唔住
一直有跟進我嘅祖家球隊辛尼特動向，俄超目前仍處於漫長嘅歇冬期，辛尼特狀態明顯未十足，尤其前鋒基沙哥夫，仍然需要時間攞番感覺，不過佢哋歇冬期間備戰相當積極，不斷約戰勁旅爭取感覺，上圈經過兩回合賽事憑作客入球優惠淘汰利物浦，對狀態同士氣提升都有好大幫助，特別係星級箭頭侯克，自從佢加盟後，一直傳聞辛尼特眾將不滿佢嘅超高薪同高人一等嘅特殊待遇，搞到佢有被孤立感覺，不過佢喺對利物浦嘅兩回合賽事都能夠為球隊取得關鍵入球，係辛尼特打入16強英雄，大大緩和咗佢同隊友嘅關係。辛尼特對歐霸盃極為重視，今次抽到巴素利令會方相當雀躍，可見佢哋對呢一關充滿信心，今仗雖有意大利主力守將基斯薛圖缺陣，但整體陣容人腳仍然勝主隊一籌。

巴素利上圈淘汰咗同樣喺歇冬期嘅迪尼普，演出並唔算吸引，呢支瑞士球隊喺Anton眼中級數一般，佢哋今季踢咗14場歐洲賽事，只贏得其中6場，睇咗佢哋喺分組賽對比利時亨克嘅兩場比賽，呢兩場波都係和波收場，但亨克無論主客形勢同演出都比較優勝，令我深信攻守實力平庸嘅巴素利嚟到呢個階段已經行人止步，基於首回合賽事雙方都會踢得比較謹慎，今場預期入波唔會多，辛尼特作客唔會輸，波膽不離0:0或者0:1。

推介：
辛尼特平手盤★★★★

巴素利細★★★