英超護級進入關鍵時刻，今晚有多場下游大戰，勝負足以影響大局，肯定場場都踢到飛沙劈石。諾域治今輪主場對修咸頓，「金絲雀」今季主場惡過老虎，對住「聖人」唔使讓波着數到不得了，平手盤必捧主隊！

諾域治本身人腳麻麻，冇乜球星擔到大旗，但踢落實而不華，喺主場出戰特別硬淨，今季一再喺自己地頭砌低強隊，早前又戰勝實力分子愛華頓，賽績冇花冇假。修咸頓經過早前連場搶分後，對上兩仗都輸波，個勢稍有回落，佢哋作客勝出率偏低，莊家依家開緊平手盤，可捧「金絲雀」。

同日另一場英超由西布朗主場對史雲斯，史雲斯今季係英超神奇球隊，球會並冇重金招兵買馬，但演出真係令人眼前一亮。不過，史雲斯捧完聯賽盃後已經超額完成，去到季尾要小心佢哋獲利回吐！西布朗主場水準平穩，夠晒硬淨，今場小讓平半可秤先。

愛華頓上盤

弗賴堡大

賀芬咸平手盤、大

多蒙特上盤

諾域治平手盤

西布朗上盤

烏甸尼斯平手盤

馬略卡下盤