新一季西班牙甲组联赛今晚开锣，虽然两大班霸巴塞及皇马尚未登场，但仲有华伦西亚撑住，佢哋喺主场迎战马拉加。华伦改由名宿杜杰带队，迅速稳定军心，相反马拉加严重失血成队散晒，「蝙蝠兵团」今仗可望旗开得胜，斯维强捧「让球主胜」。(now 632周日清晨5时直播)

　　儘管华伦西亚将高效射手苏尔达杜卖畀热刺，不过该队立即从萨拉戈萨补入葡萄牙箭头普斯迪加，锋线未致大走样，最重要係今夏改由杜杰掌帅，呢位名宿对华伦非常熟悉，令上季内部动盪不安嘅环境大为改善，季前热身赛不乏佳作，包括豪赠国米四蛋，可见球队嘅士气及状态稳步上扬。

　　马拉加星散换帅都冇计

　　若你睇过马拉加嘅星散名单，只能用恐怖嚟形容，包括「金童」艾斯高、祖亚昆、巴迪斯达、迪米捷利斯、沙维奥拿、杜拿兰等球星全部统统跳船，仲要搵嚟冇料扮四条嘅前皇马主帅舒斯达执教，情况堪忧，作客听畀「蝙蝠兵团」蹂躏，「让球主胜」咪走宝。