基輔大執位飛燕諾有計
2012/07/31文:查理阿蛋

歐聯外圍賽嚟到第3圈首回合，今晚焦點當然係基輔戴拿模主場迎戰飛燕諾啦！基輔雖然買入大批球星，但係小妹就唔睇好佢哋對住上季荷甲亞軍可以「即食」，不妨博冷要2.3倍「讓球客勝」啦！

瘋狂增兵融合需時
講到基輔戴拿模，相信近排最Hit嘅新聞都係舒夫真高掛靴從政，反而冇乜人留意到其實呢支烏克蘭勁旅今夏瘋狂增兵，繼米基爾維洛素、卡蘭積卡及馬高魯賓等強援後，日前再以1,400萬歐元由哈化柏林簽入巴西射手拉菲爾基達奴，不過新兵融入始終需時，邊有咁快見效吖。

至於上季荷甲亞軍飛燕諾，就有隊長華亞爾轉投維拉，好彩主力射手施高施斯同埋中場巴卡爾仍然在陣，絕對Keep得住火力，難怪守將迪維積話有信心可以令主隊擁躉失望啦，小妹都睇好佢哋可以保住不敗o架。

歐聯賽制：
採主客兩回合淘汰制，今輪為第3圈外圍賽首回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。