車仔雙摩打火力猛 連根拔起
2012/08/19文:阿占
近年畀曼城搶晒風頭嘅超級豪門車路士，上季聯賽成績其實好唔掂，不過季尾連擸足總盃同歐聯冠軍後，成隊波當堂士氣高昂信心爆棚，今晚「黃金戰車」作客韋根，費蘭度托利斯、夏薩特同桑馬達呢條身價過億歐元嘅進攻鋒線，肯定大開殺戒，車仔讓球客勝必撐！

阿布一圓歐聯夢心情大靚，隨即重開大水喉，今季坐正嘅迪馬堤奧喺暑假期間收購咗「比利時美斯」夏薩特，佢同桑馬達都係創造力一流嘅球員，車仔依家就好似有雙摩打發動，就算冇咗杜奧巴，擔正嘅費蘭度托利斯都肯定大把供應、大把機會入波啦！上星期喺社區盾被逐嘅伊雲洛域又證實唔使停賽，人腳齊整贏面自然高。

宮市亮難救韋根
韋根上季尾屢創奇迹，雖然成功留住領隊馬天尼斯，不過主力就一個接一個咁走人，哥倫比亞前鋒洛達列加過檔富咸，靈魂人物域陀摩西斯更加係車路士同曼城獵物，走人係遲早問題。韋根日前成功向阿仙奴借用日本新星宮市亮，雖則此子潛質優厚，不過要靠呢位小將扭轉韋根嘅積弱根本不切實際，今場注定冇