基輔秤先
2012/08/21文:阿占

今晚歐聯附加賽首回合重頭戲，上季「德甲四哥」慕遜加柏主場迎戰烏克蘭勁旅基輔戴拿模。客軍基輔歐洲賽經驗豐富，適應力肯定強過大換血嘅慕遜加柏，小弟今場力捧基輔讓球客勝！

慕遜加柏上季踢到曉飛，德國中場新星馬高列奧斯功勞好大，不過呢位中場大腦已經過檔多蒙特，仲有防線主力丹迪亦畀拜仁撬走埋，雖然教練法夫爾馬上簽入荷蘭新進射手盧克迪莊補數，但係去到歐聯對住啲歐洲勁旅，難以樂觀。

基輔夾慣夾熟
基輔戴拿模由舒夫真高年代已經係歐聯常客，雖然今個夏天「核彈頭」宣布掛靴，但呢隊波從來不乏接班人，好似有「新舒夫真高」之稱嘅耶莫蘭高就成功喺之前嘅歐洲國家盃上位，加埋古斯夫、阿利夫等半支烏克蘭國家隊，機動性打法咁多年都保持得到。今場面對歐聯「新丁」慕遜加柏，大有機會先拔頭籌。

歐聯賽制
採主客兩回合淘汰制，今輪為附加賽首回合，若兩回合計總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時無入球，則需互射12碼決勝。

南球盃賽制
採主客兩回合淘汰制，今輪為初賽次回合，若總比數相同，作客入球較多一隊晉級，再和則於次回合後隨即互射12碼決勝。

頂占筍盤：基輔戴拿模