基輔反擊勁 同慕遜加柏開入球騷
2012/08/29文:阿占

基輔戴拿模今晚喺歐聯附加賽次回合主場迎戰慕遜加柏，預計係一場入球騷，雖然首回合基輔作客贏到3:1，大局差唔多已定，不過火力強勁嘅慕遜加柏點都會放手一博，至於有「新核彈頭」耶莫蘭高帶領嘅基輔亦想添食，話畀大家知冇咗舒夫真高一樣掂，今場入球大有1.95倍非常抵玩！

心水清嘅讀者可能仲記得，首回合小弟已經推介過耶莫蘭高呢位烏克蘭新星，佢今季接替退休嘅「軍刀」舒夫真高，做基輔戴拿模王牌殺手，首回合就係靠佢入咗個靚波幫球隊反勝，盡顯大將之風。

基輔有作客入球喺手兼有主場之利，若果利用耶莫蘭高同幾隻快翼玩突擊，入球機會肯定源源不絕，事實上連新加盟嘅左閘泰禾都係以助攻力強見稱，主場出擊絕對唔會話守住勝果就算。

慕遜加柏進攻鐵三角夠威脅
來自德國嘅慕遜加柏目標明顯，雖然話晉級機會渺茫，不過「狂攻博奇迹」似乎係唯一選擇。由盧克迪莊、漢基同艾蘭高組成嘅「進攻鐵三角」威力唔使懷疑，其中今夏重點收購嘅荷蘭國腳盧克迪莊仲未開齋，梗係希望盡快數番幾粒啦！

首回合：基客勝3:1

頂占筍盤：基輔戴拿模