邊緣紅軍大斯殺
2012/08/30文:查理阿蛋
「邊緣紅軍」最後機會！利物浦改由羅渣士「揸旗」後換上全新年輕班底，令唔少杜格利殊時代嘅失敗收購淪為邊緣人，轉會窗關閉在即，佢哋無論係想留隊或者吸引買家，今晚歐霸盃附加賽次回合迎戰赫斯都一定出盡力博表現，加埋晏菲路主場威力，即使已經有1球喺手，1.45倍「讓主」熱都照捧嚟做過關膽啦！

卡路爾 查理阿當有料到
唔講唔知，原來利物浦上場對曼城班正選嘅平均年齡不足24歲，有一半都係「90後」，其中大獲好評嘅祖阿倫同史達寧更分別得22同17歲，查理阿當、史比寧等喺新帥麾下被打入冷宮嘅「80後」副選自然心慌慌！佢哋無論年紀同質素都比唔上班生力軍，好彩紅軍周日要喺英超惡鬥阿仙奴，加上今場有1球喺手，相信會畀班後備落場博表現吸引買家，呢班「邊緣人」梗係趁住轉會窗死線前踢番場好波，務求爭取正選或者搵度好人家落腳。

赫斯後防大將有傷
再講吖，其實呢班副選唔係冇質素，例如得23歲嘅安祖卡路爾上季尾已經漸見昔日水準，可惜羅渣士覺得佢配合唔到地面進攻戰術至想套現，搞到呢位「空中霸王」成肚冤屈氣，今場仲唔恃主場威力，炸爛赫斯條防線發洩咩！

平心而論，赫斯喺首回合對利物浦表現絕對唔差，不過小妹就覺得全因紅軍作客表現差，先令赫軍有唔少機會。今仗客軍仲有後防大將沙利奧卡斯有傷未必踢得，面對出名喺主場威力倍增嘅利物浦，都幾難有好下場。

首回合：利客勝1:0

紅軍主場開慣大
‧利物浦喺新球季3場主場賽事全部開大。

‧赫斯喺歐霸盃嘅最佳成績係1989年打入8強，但以總比數1:2不敵拜仁慕尼黑出局。

‧赫斯上季喺歐霸附加賽對另一英超球隊熱刺，兩回合總計慘負0:5出局。

利物浦把握差博半場細
利物浦把握差博半場細

利物浦出名係「地頭龍」，只要坐鎮晏菲路球場，強如曼城都要買佢哋怕，不過講真球隊嘅把握力仍有待改進，尤其今仗預期羅渣士會派副選上陣，就算喺上半場有波入都未必可以拉開比數。加上連埋熱身賽在內，佢哋今季9場波有7場都開出半場細，呢個走勢喺今場好可能繼續，相信紅軍要等到赫斯喺下半場開始有疲態後，先可以數多幾粒，不妨續捧1.62倍嘅半場細。

歐霸盃賽制
賽事採主客兩回合淘汰制，今輪為附加賽次回合。兩回合計打和將計作客入球優惠，未分勝負則於次回合法定時間後加時30分鐘，加時階段照計作客入球優惠，仍未分勝負則互射12碼決勝。