「臣」助黑貓唔驚紅軍
2012/09/15文:阿占

睇完英格蘭世盃外圍賽嘅表現，小弟發覺領隊鶴臣係一個「名牌信奉者」，唔少大球會後備獲重用。不過，其中一位我最欣賞嘅阿當莊臣，早前就離開曼城去咗新特蘭尋求上陣機會，今晚「黑貓」主場迎戰利物浦，絕對係佢爭取表現嘅好機會，新特蘭受讓一於捧1.65倍「讓球主勝」！

利物浦唔識入波狀態曳
新特蘭開季連續兩場和波，不過作客打和阿仙奴同史雲斯絕對唔失禮，最重要係佢哋價值2,400萬鎊嘅攻擊組合阿當莊臣同史提芬費查有料到，尤其係左右腳一樣純熟嘅阿當莊臣已成為球隊進攻大腦，小弟睇好佢可以喺新特蘭重生。

利物浦季初亦爆出咗個17歲年輕翼鋒史達寧，佢啱啱仲獲選入國家隊大軍，做埋大國腳添！不過睇佢同蘇亞雷斯合作一味得個扭字，冇人識得送個波入龍門，結果就搞到紅軍開咧3場波得1分，連領隊羅渣士都呻話之前放錯咗前鋒安祖卡路爾，以佢哋依家唔多夠嘅人腳同差勁狀態，作客光明球場實在好難讓波，新特蘭「讓球主勝」應該穩陣。

頂占筍盤：新特蘭
有線球彩台主持阿占

「超級星期六」開放時間：周六晚9:00至周日凌晨2:30