甲府強勢直「取」「主勝」
2012/09/17文:走肖

  
 日乙又開快車，榜首球隊甲府風林今日喺主場對護緊級嘅鳥取飛翔，1.72倍「讓球主勝」值得吼實。日前甲府砌低岡山綠雉，創出球會新紀錄連續15場聯賽不敗，加上達維梅開二度繼續喺射手榜領放，大好形勢又點會放過鳥取？

鳥取前鋒冇個靠得住
甲府今季表現強勢，曾經係名古屋鯨魚王牌嘅達維當然最大功勞，佢喺天皇盃休息後，日前對岡山又梅開二度，暫時以25球領先射手榜，可以話喺日乙超晒班。目前甲府連續15場聯賽不敗，屬於球會新紀錄，要知道快車勝負關鍵係後備力量，呢點甲府簡直贏晒。

點解咁講？因為甲府近期簽入効力過仙台維加泰嘅前鋒費蘭甸奴後，高橋寬之同片桐淳至都要做後備，近期甲府市天氣酷熱，球員體能會決定邊個贏。再講，鳥取傷兵問題未解決，可以調動人腳更加有限，特別係前線冇個靠得住，唔通又嗌岡野雅行出嚟踢咩？最近佢齋坐，港甲都未必有球隊肯簽佢喎！