美職殺到入大直路，鬥志決定一切，華盛頓聯隊為爭奪季後賽席位不容有失， 朝造訪冇乜好爭兼狀態低沉嘅費城聯可以秤先，受讓平半梗係玩下盤着數啦！

東岸季後賽席位爭崩頭，已經4年冇入過季後賽嘅華盛頓聯隊今季就最似樣，陣中守將白蘭頓麥當奴賽前就話，成班隊友呢排都自覺性加操，目的就係唔想令球迷失望，戰意肯定唔需要懷疑。

對家費城聯無欲無求，最近7場聯賽全部失分之餘仲只係入得4球，咁都仲學人讓波，冇嘢呀？睇番雙方對賽成績，兩軍對上6次碰頭費城聯只係贏過1次，唔見得有咩優勢啫。況且中場加比爾法芬 朝要坐波監，鋒將韋高斯基亦因為腦震盪缺陣，狀態差加上人腳唔齊，輸埋波都唔出奇。