車仔兵疲 氣細削弱
2012/09/22文:張健峰
周中歐聯、歐霸分組賽展開，各國聯賽前列球隊，嚟緊都要應付一周雙賽、甚至三賽嘅魔鬼賽程，真係一啲都唔輕鬆。好似車路士咁，啱啱先同祖雲達斯踢咗場激戰，球員體力未必十足十恢復，今晚又要主場面對死纏難打嘅史篤城，表現唔多唔少都會受到影響，2.05倍入球細有肉食。

史篤城上輪英超主場能夠令到曼城失分，好大程度係靠佢哋硬淨嘅踢法，落得場嘅個個都係打仔格，所失嘅一球係嚟自角球，其餘大部分時間都將曼城嘅進攻威力減到最低，結果成功賽和1:1完場，各得1分。今晚作客去到史丹福橋，相信會保持一貫風格，先喺自己半場開始布防，波到人到，一有機會就長傳急攻打反擊。不過，呢套一味靠滾嘅戰術，係唔係咁易喺車路士呢啲級數嘅對手身上攞到甜頭？「張峰」就有少少保留喇！

查理阿當投「城」搵第二春
值得一提嘅係，史篤城今季接收咗奧雲同查理阿當兩個前「紅軍」球員，「張峰」覺得查理阿當嘅踢法十分適合呢支中游球隊，呢位蘇格蘭國腳將會喺呢度搵到第二春，取得比之前喺黑池同利物浦嗰陣更大嘅成就。今場佢喺史篤城嘅中場，將好大機會同林柏特嚟一次正面交鋒，亦好大機會削弱「林伯」嘅威力，令車路士嘅進攻能力打上折扣。

不過，自從歐洲超級盃大敗1:4畀馬德里體育會後，車路士演出持續飄忽不定，上輪作客賽和昆士柏流浪，周中歐聯又喺領先兩粒嘅大好優勢下，畀祖雲達斯追和2:2，對士氣有一定打擊。其實計整體表現佢哋唔差，只係略欠球