祖雲達斯摧殘紫百合
2012/09/25文:卡爾萬 
 

「老婦人」祖雲達斯上周中喺歐聯逼和車路士後，返番意甲請基爾禾食雙蛋，至今4戰全勝，氣勢無人可擋。不過今場作客對費倫天拿，大家或者擔心7日打3場嘅佢哋會體力不繼，但卡爾萬話畀大家知呢個問題唔存在，信「老婦人」有力開出1.92倍客勝，締造5連勝。

祖記留夠力
卡爾萬話「老婦人」唔存在體力問題，係因為佢哋對基爾禾嗰場其實畀咗唔少主力休息，喺歐聯搏完嘅派路、基奧雲高同巴沙利只任後備，列治史迪拿同維達爾亦只係踢咗半場。話晒成季流流長，祖記打3-5-2陣式對中場球員嘅調配同留放極為重要，目前佢哋亦成功做到呢點，所以完全唔怕會踢到腳仔軟。

至於費倫天拿都係打3-5-2，問題係中場阿古蘭尼同法蘭斯高達拉洛卡繼續養傷，以馬迪亞斯費南迪斯及拿積為首嘅中場，同「老婦人」拍埋略嫌未夠班。就連教練蒙迪拿喺上場被帕爾馬逼和1:1後，都話隊波要改善控球，但呢啲唔係一下子改得到o架，今場要祖記1.92倍客勝。