法蘭克福奇兵追打蜜蜂仔
2012/09/25文:阿占
球彩台上個月獨家首播德乙，球迷反應唔錯，今個星期德甲同德乙開快車，一於唔好畀佢停，今、明兩晚頭場11:30先嚟德乙直播，尾場就係德甲壓軸。至於小弟今晚心水，都係貼德甲。開季4戰全勝嘅法蘭克福，今晚會喺主場迎戰多蒙特，相信主隊有力搶分，受讓之下梗係捧「讓球主勝」啦！

法蘭克福雖然係升班球隊，但其實佢哋係老牌球會，球迷數量唔少，今場喺自己地頭出擊，有主場球迷打氣下，球員自然踢得特別High。法蘭克福教頭艾明費本身都教過唔少德甲知名球隊，資歷唔使懷疑。今季喺人腳配置方面都做得好好，中場美亞同前鋒奧斯恩都踢出自己職業生涯最高水平，日本球星乾貴士又有貨交，上場作客亦贏埋紐倫堡，法蘭克福有望成為本屆德甲一支奇兵！

多蒙特連場硬仗頂唔住
多蒙特近期硬仗連場，剛剛個星期六先輸完畀漢堡，踢埋今場，周末又要對慕遜加柏，之後歐聯硬撼曼城，對球員體能係個大考驗。尤其是多蒙特好依賴羅拔利雲度夫斯基同巴拉斯塞高斯基等幾個主力，若果輪換，驚影響球隊戰鬥力；唔換又擔心會虛耗太多跌Watt，真係幾矛盾。小弟見多蒙特近期前線把握力下跌，好可能就係心態同體能上「爭少少」，今場作客讓唔起，一於捧主隊有分落袋。

頂占筍盤：法蘭克福
有線球彩台主持阿占