今晚意甲獨腳戲有錫耶納主場迎戰博洛尼亞，兩軍近況都漸有起色，而且仲各自擁有可靠嘅火力，硬碰硬之下分分鐘兩敗俱傷，不妨敲2.25倍入球大等睇兩隊駁火！

博洛尼亞上場踢半場好波，結果畀佩斯卡拉追和，教練皮奧利當然勁火滾啦，仲話：「一場波唔係踢20分鐘o架嘛，我哋一開始係踢得唔錯，但係之後就勁多犯錯，結果就要付上代價囉！」佢喺賽後勒令成班波一定要進步，所以小妹相信佢哋今場對錫耶納絕對唔會放軟手腳，加上基拿甸奴呢個火力泉源近排勁弗，鬥攻絕對唔輸蝕。

主隊錫耶納上場作客數國米兩蛋，令唔少球迷驚訝，教練哥斯美仲形容為「完美」添！加上中場華加蘇拿大放異彩，要喺主場攻破對手大門，唔係咩難事，但佢哋之前連續2場失2球，對國米可以保住不失，某程度上係因為對手表現太差，而且今場後防干天尼因背傷唔踢得，前面攻得入，後面隨時失返轉頭，入波又點會少先？