紫百合得「米」
2012/09/30文:基利
周日意甲尾場由國際米蘭主場迎戰費倫天拿，「藍黑兵團」日前證實中場大將史奈達因大腿肌肉撕裂要休養1個月，兼且今季聖西路球場鋪上新草皮後，國米就未試過喺呢個球場贏波，主場之利反而成為咗負擔，今晚一於博1.8倍「讓球客勝」好過！

費倫近3場不敗
國米中場史奈達上場作客基爾禾只係踢咗20分鐘就傷出，軍醫當時評估傷勢無大礙，點知賽後做詳細檢查證實大腿肌肉撕裂，起碼要抖1個月先可以復出。過往國米冇咗呢位荷蘭中場都甚少有好表現。本來今戰有主場之利有助佢哋攞番少少優勢，不過聖西路今季鋪上新草皮後，唔知係咪班球員未適應得到，國米至今4次喺主場出戰都未贏過，主場之利反而成為咗絆腳石，今晚想W唔係易事！

相反，雖然「紫百合」買番嚟做穿針引線工作嘅阿古蘭尼一直做藥煲，幸好客軍好似已經適應咗冇佢嘅踢法，最近3場都保持不敗，上場仲成功逼和衞冕冠軍祖雲達斯，狀態咁弗今晚有力搶分，1.8倍「讓客」買得過！