亞冠盃8強次回合繼續有好戲上演，烏茲別克勁旅賓約哥今晚喺主場再遇澳職球隊阿德萊德聯，1.7倍主W值得跟進。首回合賓約哥落後兩球都能夠死裏逃生追和2:2，唔似咁易出局，相反阿德萊德聯焗住搶攻，射手沙治奧雲迪克又扭計離隊，士氣受損作客隨時出事。

由於澳職完成晒上季常規賽，亞冠盃分組賽都未打完，所以現時阿德萊德聯嘅新陣容，經過換血後同分組賽期間好唔同，例如中場迪利夫斯基同後衞丹尼爾慕倫，已分別轉投墨爾本勝利同大連阿爾濱，但新加盟嘅前鋒摩拉利斯紐曼同翼鋒法比奧費拉拿未夾熟，首回合只係分別後備落場同齋坐冷板，冇咩大作為。

同時，阿德萊德聯前鋒迪保爾卡馬拉同中場卡拉維拿未好番，中堅保加特停賽，加上射手沙治奧雲迪克最近失去正選位置，首回合得16分鐘上陣時間搞到嗌走人。軍心受損嘅環境底下，今場仲一定要入波先至有希望晉級當然擇使。雖然計埋分組賽，賓約哥今屆對阿德萊德聯得2和1負，但呢場對手冇得守有條件威番鋪。

首回合：賓客和2:2

採主客兩回合淘汰制，今輪為8強次回合，若總比數相同，作客入球較多一隊晉級，再和則於次回合後加時作賽。若加時入球數字相同，客隊將憑作客入球優惠晉級，若加時沒有入球，則需互射12碼決勝。