筆者深信好波有好報，近期有唔少公認畀球證屈死嘅球隊，隨後都輕易補中，好似今季異軍突起嘅愛華頓，早前因接連錯判被紐卡素逼和後，隨即取得聯賽兩連勝，仲上埋聯賽榜第2位，至於喺「雙紅會」輸得不明不白嘅利物浦，喺上周聯賽亦大勝開齋。

西甲方面，近排最慘嘅應該係貝迪斯，近兩戰都有球員被逐，前仗就畀馬體會成功逆轉，上場對馬拉加仲要10分鐘就打少個，兩仗夾埋輸8球完全唔反映真正實力，今仗主場迎戰作客連輸3仗嘅皇家蘇斯達，1.85倍主W可以跟進。

新一季澳職本周開鑼，由於黃金海岸聯散班，為咗維持10隊角逐，澳洲足總決定喺半年前成立新軍西悉尼流浪者，情況與去年港甲嘅港菁接近，當然西悉尼並非專責接收小將，仲搵到前日本國腳小野伸二加盟，但其餘球員都只係澳職棄將，實力可想而知，揭幕戰主場迎戰中岸水手，似乎要交吓學費。

馬膽推介：9場(4)金鎸龍華

其實今季已見回復朝氣，可惜何澤堯上仗未能駕馭，沿途4疊仍然所負不遠，就當冇跑過，今仗隨即強配潘頓，可以畀多次機會。