皇馬開Turbo攪碎爛塞
2012/10/07文:張健峰
着火王牌 C朗
  1/4 
 
 
巴塞翼鋒 柏度洛迪古斯
  2/4 
 
 
魯營後上王 法比加斯
  3/4 
 
 

  4/4 
 
 

巴塞後防穿窿勁失波
「地上最強」巴塞同「銀河艦隊」皇馬今晚魯營上演西班牙國家打吡。雖然巴塞依家喺積分榜以6戰6勝居首，但「張峰」覺得皇馬近期個勢實在太勁，C朗、賓施馬同卡卡又弗爆，撞正後防天殘地缺嘅巴塞，絕對有力坐和望贏，2倍「讓球客勝」千祈咪走雞！

佩奧爾打柴 碧基上陣成疑
本來巴塞主場出擊值得睇好，但後防老大哥佩奧爾近期黑到痹，之前已經因傷踢唔到歐國盃，開季冇耐又膝傷舊患復發抖咗三周，好番啲以為可以踢到今場波，點知喺上周中歐聯作客賓菲加又再受傷，成隻手扭到反轉起碼要抖個半月。另一中堅碧基雖然尋日通過咗初步檢查，但踢唔踢得都只係五五波，仲要睇香港時間今朝嘅第二次檢查，預計教練維蘭路華焗住要用馬斯真蘭奴搭桑治兩位防守中場去做替工。

一見到呢兩位「替工」，小弟就諗起巴塞上輪西甲作客西維爾，同歐聯首輪分組賽對莫斯科斯巴達嘅「慘況」，防守甩甩漏漏，2場都失咗2球，認真牙煙。

經過唔多順暢嘅開季，「寸王」終於重新為銀河艦隊啟航！歐聯反勝曼城3:2無疑係關鍵，球員信心隨即返晒嚟，就連卡卡解凍後都有唔錯表現。即使話皇馬之前2季喺歐聯贏完阿積士後，跟住對巴塞都輸波，但「張峰」唔信邪嘅，只要皇馬眾星發揮水準，要喺天殘地缺嘅巴塞防線搵着數唔難。事實上，喺《阿斯報》最新超過5萬7千人嘅投票中，有5成人撐皇馬贏波，8%貼和波，只得42%睇好巴塞咋。

5成西班牙球迷投票撐皇馬
雖然莫連奴執教皇馬後，試過大敗畀巴塞，但細心嘅球迷都應該發現，皇馬好似慢慢搵到一套對付巴塞嘅戰術，上季開始已經反客為主。假如呢套「制巴」戰術繼續行得通，今晚睇怕又係皇馬發威之時，起碼「張峰」係咁諗先，撐皇馬「讓球客勝」！

張峰來料：皇馬

巴塞皇馬旺開半場細
‧歷來82次喺魯營舉行嘅國家打吡，皇馬取得19勝16和47負，不敗率為42%。

‧近3季雙方對壘皇馬只得2勝5和8負，但2場贏波出現喺最近3次對賽中。

‧巴塞同皇馬近8場賽事半場大細同樣為6細2大，較利「半場細」。

扒冷博皇馬贏到尾開「客客」
皇馬出戰魯營踢國家打吡，歷來82戰輸咗47場，而且最近3季對戰15次皇馬亦只贏得2場，成績認真麻麻，但其實呢2場勝仗都係喺最近嘅對賽出現，仲要係由頭贏到尾，相信由莫連奴帶領嘅皇馬有計繼續食住巴塞，5.7倍「客客」扒冷捧得過。

上一則 : 投拄備忘