巨人殺手滋賀掃落葉
2012/10/10文:自由恒

每逢國際賽期日本都會上演盃賽，今晚就有天皇盃第3圈賽事，還記得一個月前嘅第2圈受注球賽，當中3場有丙組球隊列陣，結果兩隊不敗，剩番嗰隊都係僅負0:1，似乎被足智彩揀得出嚟開盤嘅丙組仔，都絕對唔可以睇少。

07年起日丙3冠1亞
今晚16場天皇盃當中，有3場牽涉丙組球隊嘅不設受注，不過開盤嘅13場，都有兩隊丙組仔在陣，當中最值得留意係佐川急便滋賀，呢隊波由2007年成立至今，於JFL得到3冠1亞，主帥中口雅史亦曾3度當選最佳教練，雖然基於資金同設施不足應付日乙，惟有選擇唔升班，但至少具備乙組實力。睇番近績，佐川急便暫列聯賽榜第3位，近11戰未輸過，上圈更作客氣走日職嘅神戶勝利船，今仗移師神戶迎戰日乙嘅千葉市原，有權再做巨人殺手。

千葉市原近期喺日乙表現一般，雖然剛啱終止4場不勝走勢，但已經跌到落日乙第4，爭取直升日職嘅形勢唔多樂觀，與其搏盃賽，倒不如留力應付下周日對大分三神嘅升班關鍵戰好過，仲要讓波寧撐2.2倍「讓球主勝」。

足球重心：佐川急便滋賀
馬膽推介：6場(8)勁勢

今季兩戰都排外檔，焗住留後都跑入三甲，今仗抽到2檔可以爭取主動，有望反先「強風駿馬」。

天皇盃賽制
今輪為第3圈賽事。若法定時間內打和，將加時30分鐘，仍未分勝負則互射12碼決勝。