日乙榜首大戰今日上演，甲府風林會喺主場對湘南比馬，贏波就有機會提早攞冠軍升班，戰意肯定無敵，而且佢哋有機會創出日乙最長不敗紀錄，唔使問一定捧1.75倍主W！

現時甲府以13分拋離第3位、打少1場嘅京都不死鳥，假如今場甲府贏湘南比馬，京都又喺主場不敵富山勝利，到時拋離到16分，餘下5場點都冇得追。佢哋個射手達維近3場勁入4球，目前以29球領先射手榜，而且贏多場就可以打破柏雷素爾喺前年創出嘅連續19場日乙不敗紀錄，將不敗走勢延長至20場，達維肯定會搏命爭取入波啦！

仲有一點值得一提，09年甲府臨尾香升唔到班，關鍵係臨近收咧喺主場以2:3輸畀湘南，家陣難得有機會報仇點會手軟？再講自從湘南無厘頭打咗中場馬場賢治入冷宮後，走勢就逐漸開始下滑，最近佢仲傷埋，湘南作客點撐得過？