哈化內訌波琴日本風頂住
2012/10/19文:阿占

上周聯賽讓路畀國際賽期後，今周又開戰幔。今晚球彩台就會直播德乙好戲，由排第2嘅哈化柏林作客榜下游嘅波琴。哈化今季降落德乙後，早早已訂下「立即升班」目標。經過開季一輪適應期後佢哋已全面上力，陣中球星多到用唔晒，仲搞到有球員為爭位引爆內訌，兩大球星賓沙夏同艾拉基近期就齊齊炮轟教練盧克基，軍心動搖今晚仲點讓得起波琴，「讓球主勝」值得捧場！

賓沙夏冇正選鬧教練
查實哈化個班底係甲組級數，唔計因為打球證長期停賽嘅高拜亞韋利，辛度華拿、賓哈迪拉同朗尼希巴臣等主將都好有實力，不過就因為「人滿之患」，賓沙夏同艾拉基冇得踢正選，就公開鬧教練引發罵戰，教練盧克基講明依家隊波「溫」得咁順唔會換人，擺明當佢哋冇到啦！

波琴今季表現就認真慘烈喇！近5場聯賽3和2負未贏過，最大問題係前鋒入球能力不足。最近5場只入得2球！好在佢哋今季成功打起咗17歲新星哥列斯卡，早排仲重傳出曼聯同阿仙奴都想斟佢添！加上日本中場田阪祐介亦開始上力，有望食住今季喺德國吹起嘅日本風，今晚主場迎哈化以1分為目標，有力得償所願！

頂占筍盤：波琴
有線球彩台主持阿占

電郵：soccer64@cabletv.com.hk

PHONE波熱線：1831 678

「英超有局」開放時間：周五晚10:30至11:30