巴西打徒弟熱W冇走雞
2012/10/16 
 

徒弟打師傅仲有得偷雞？好難咯！日本今日响波蘭弗羅茨瓦夫中立場，同巴西大軍拍跳，雖則唔會學似中國隊咁樣慘敗，但係都好難繼贏法國之後再次爆冷，巴西個1.4倍W冇走雞。

由J聯賽元年開始，就刻意模仿森巴足球嘅日本，近年終於打出頭，成為亞洲一哥，佢哋近8場男足國際賽更加未輸過，6勝2和嘅戰績，靚過唔少世界一流勁旅，上場波仲响巴黎砌低法國添，今仗難免令人對佢哋有憧憬。不過，長友佑都同對法國一戰小腿負傷缺陣嘅本田圭佑，都坦承上場波日本其實踢得麻麻，贏係贏在法國打得仲曳，射門次數20對7佔盡優勢都輸波，長谷部