48 鴨巴甸平手盤抵玩

巴黎聖日耳門、皇家馬德里同祖雲達斯3支名牌，喺下星期都有歐聯8強次回合跟尾，直接令較多球迷注目嘅51、53同54場產生變數，可以嘅話不妨避一避。

登地聯唔使讓有蠱惑
48登地聯主場迎戰鴨巴甸，主隊近況唔錯，連續6場聯賽成功搶分，錄得1勝5和嘅不敗走勢，以佢哋球會規模嚟講，算係非常之難得。今仗主場迎戰賽前排名高一位、但近況極之飄忽，近5仗只攞得5分嘅鴨巴甸，竟然有個平手盤玩？「四眼哥」繼續以小人之心去睇，睇兩隊近績比較，主隊讓平半讓得起有餘，如今平手盤嘅話，寧願信對賽往績捧客軍，平手盤應可坐走望贏。由於同時間開波嘅幾場英超有直播，買咗冇得睇嘅鴨巴甸嘅朋友，大可專心睇英超，完場先Check有冇錢收，過癮！