26平手撐帕爾馬

9點呢個時段幾支最受球迷關注嘅英超「名牌」熱刺、車路士同紐卡素，嚟緊周中仲要喺歐霸盃8強次回合搏命，戰意同部署都會影響爭勝機會，與其估估吓，不如避咗佢算喇。

9點輪上演嘅意甲，有多場都有護級球隊，當中包括26嘅錫耶納對帕爾馬。有跟開意甲嘅朋友相信唔會對錫耶納陌生，呢支素有「意甲朋友」或「祖記二隊」稱號嘅下游球隊，每逢要分護級救命嗰陣，都總會接連畀佢哋搶分成功，賽前喺積分榜排18嘅佢哋，對上3場就成功搶到5分，護級前途重現曙光。難怪錫耶納今仗主場迎戰高不成、低不就嘅帕爾馬，又惹嚟唔少捧場客。

不過，錫耶納今場嘅足智彩讓球同坊間亞洲盤都係平手盤低水，似乎有啲引人落疊格局！考慮到盤口「筍咗啲」，同埋兩隊對賽近績，帕爾馬攞到壓倒性嘅3勝2和優勢，主隊又有菲臘比達貝路停賽，建議博平手高水嘅客軍。