首爾神射手大鬧北京

亞冠盃16強首回合今晚上演中韓大戰，由FC北京喺主場對FC首爾，雖然北京專登喺中超留力諗住今場搏殺，但佢哋對韓職球隊嘅恐懼症唔似咁易醫得好，首爾1.73倍平手盤值得捧場。

今屆亞冠盃16強由一場過定生死，改番兩回合賽事定勝負。以往中超球隊唔多重視亞冠盃，但北京喺今屆分組賽期間，經已慣性收油，日前作客以1:2不敵廣州富力，又再犧牲聯賽收起包括射手簡路迪同隊長徐雲龍嘅多件主力，擺明有心砌今場攞威。

不過咁，北京喺分組賽以2:0砌低浦項制鐵前，曾經連續15年贏唔到韓國球隊，要再破羞家宿命唔容易，而且首爾嘅迪查路域係兩季韓職神射手，梅里斯奧摩連拿又為城南一和贏過亞冠盃冠軍，今屆分組賽亦都連續兩次打沉同樣嚟自中超嘅FC江蘇，又點會驚北京呀？