柏雷素爾受讓抵博

對上4屆嘅亞冠盃16強都以一場過分勝負，分組賽冠軍於淘汰賽除咗僅遇上其他小組次名外，最緊要係有主場之利，因此取得一面倒優勢，今屆16強改番做主客兩回合制，算係比較公道。

FC廣州讓得起中岸水手
不過今屆次名出線球隊都未必可以受惠於新制，事關列強實力相當參差，好似E組嘅武里南聯贏得1場就已經出線16強，至於今日出場嘅全北汽車同中岸水手，都係僅得兩W嘅小組次名，實力都唔多可靠，全北今日喺主場迎戰近5次作客4勝嘅柏雷素爾，梗係要1.85倍「讓球客勝」。

至於中岸水手就仲大鑊，實力不足兼夾澳職早就煞科，已經足足兩個星期冇正式比賽欠缺作戰狀態，面對連續4場都冇失波嘅FC廣州，受讓平半都信唔過。