車仔強勢無甩「拖」

剛啱捧走歐霸盃嘅車路士，連續兩年稱霸歐洲賽，仲成為繼祖雲達斯、拜仁同阿積士後，第4支拎齊歐洲3大盃賽冠軍嘅球隊，絕對可以用個「勁」字嚟形容！「藍戰士」今晚會喺主場對愛華頓，小妹相信兩隊波都會踢得比較落力，皆因車路士只要喺呢場比賽贏波，就能夠穩奪歐聯分組賽資格，但如果和波嘅話就有機會畀阿仙奴追到同分兼相同得失球差，咁就要踢附加賽嚟決定喇，小妹相信成班車仔球員為免要踢多場波阻住放大假，今晚一定會加多幾錢肉緊。

拖肥糖莫耶斯最後一役
至於愛華頓就係領隊莫耶斯過檔曼聯前最後一次領軍，班球員必會全力爭勝做Farewell禮物，但論近況「拖肥糖」就輸蝕得多喇，近10場只得2勝，至於車路士近10場贏足8場，明顯弗好多，加埋啱啱拎咗歐霸盃士氣如虹，讓半一照要1.82倍上盤！