堤格雷 拉魯斯攜手做「細」界

堤格雷 朝喺阿甲主場對拉魯斯，前者因為要兼顧南美自由盃賽事，搞到全隊謝晒幾乎唔識入波，撞啱拉魯斯有中場靈魂古爾度比沙路停賽，既然兩隊都冇把握入波，都係玩1.54倍入球細最實際啦！

同樣入球把握力弱
雖然堤格雷已經喺自由盃16強兩回合計以2:3不敵奧林比亞會出局，可以專心踢番阿甲，弊在佢哋班人經已元氣大傷，近4場有3戰食白果，除咗負責入波嘅射手馬基奧路、龍門查維加西亞同中場魯賓保達受傷外，今場仲有中場迪亞高費拉拿停賽，疲兵出擊又邊似多波入？

另邊廂嘅拉魯斯有王牌古爾度比沙路孖住後衞麥斯韋拿基斯坐波監，近排佢哋嘅進攻火力都係唔多見得人，對上5場有3場冇波入，當中更有4場開細。再講，拉魯斯係今季阿甲防守力最強球隊，開季踢13場聯賽只係失咗6球咁大把，既然「守」字行頭，玩入球細絕對係正路選擇。