貝迪斯為歐戰搏命剷平馬略卡 

英超、德甲同意甲相繼煞科，歐洲四大聯賽家陣剩番西甲仲有戲睇，今晚就有身陷絕境嘅馬略卡喺主場迎戰誓保歐洲賽席位嘅貝迪斯，主隊近乎翻身無望，戰意成疑，反而客軍近況回勇之餘仲要為歐戰夢想奮鬥，平手盤貝迪斯有2.05倍，捧得過！

馬略卡將帥預咗降班
小妹記得馬略卡今季季初5戰不敗，仲贏過華倫西亞、皇家蘇斯達呢類前列分子，點知之後出現一段11輪聯賽不勝嘅走勢，就令佢哋嘅球季毀於一旦，家陣排榜尾但踢少場嘅馬略卡今戰萬一失分，就幾乎肯定降班收場，加上班波近8場只開得1場W，仲要係喺最後一刻險勝護級分子切爾達，相比起近7戰只係輸過畀巴塞隆拿同皇家馬德里嘅貝迪斯，近況明顯有所不及。

唔怪得馬略卡前鋒迪桑尼都主動認低威：「我哋搞成咁都係因為季初唔爭氣，絕對與人無尤。」連主帥文沙奴都以「夢想」嚟形容護級呢個目標，睇嚟成隊波都已經接受下季降班嘅事實，唔多似會太搏命。

講到戰意，貝迪斯分分鐘會更高昂，皆因佢哋今場只要全取3分，就可以鎖定來屆歐霸盃席位，唔好忘記佢哋上次踢歐洲賽已經係7年前嘅歐聯，所以眾將為咗再戰歐洲賽場，都肯定搏甩髀，難怪上仗有「士哥」、近況頗佳嘅神射手魯賓卡斯度拍晒心口，話全軍肯定會傾盡全力贏波啦！拍住近排射穿過「地上最強」嘅杜蘭柏邦，要送馬略卡一程，踢佢哋落乙組唔係咩難事吖！

馬略卡半場旺開1:1
馬略卡近8戰得1勝2和5負。

馬略卡近5戰有4仗開出半場和，其中3次開出1:1半場波膽。

貝迪斯近8場有5次開出入球大。