鳥棲1.6倍W遇神殺「神」

係人都知日職球隊好識搞promotion，鳥棲砂岩就係其中一隊，但係無論你搞幾多花臣做宣傳，至緊要仲係隊波成績要好，先至留得住啲Fans，今日鳥棲响日聯盃主場對大分三神，就係終止3連敗嘅好機會，1.6倍主勝博得過。

三神護級至上試陣味濃
鳥棲今季戰績麻麻，不過推廣手法就出神入化，用實物原大球員展板畀Fans影相，只係行貨，早排直情喺佐賀縣個主場外面，搞咗個流動動物園，羊駝、鸚鵡、鬣蜥、兔仔都有，認真別開生面。但講到成績鳥棲就唔多掂，近排唔只連輸3場，上場聯賽仲畀浦和炒鋪6:2，一直博入國家隊嘅前鋒豐田陽平，直情喺專程入場嘅日本主帥沙哲朗尼面前出晒醜，為咗挽回面子，今日應該唔敢放鬆，係時候反彈贏番場。

大分仲慘，開季咁耐到上星期六至响聯賽開齋，3:2贏新潟天鵝。