為遷就尼日利亞出席6月中嘅洲際國家盃，世界盃非洲區F組嘅未來兩輪賽事會提早上演，今晚就率先進行第4輪比賽。應屆非洲國家盃盟主尼日利亞雖然暫列F組榜首，但3場分組賽只得1勝2和，只能以較佳得球壓住馬拉維，今晚「超霸鷹」作客肯尼亞不容有失，1.95倍客W值得捧場。

（開賽時間：周三晚9:00）

過往世界盃非洲區外圍賽例牌多冷門突圍，原因係拆得太多小組，列強只要失準一、兩場，就已經冇機會翻身，其次就係名牌球隊好難要求一眾巨星準時歸隊，導致備戰不足，被弱旅有機可乘。

不過尼日利亞今次備戰肯定唔差得去邊，為咗應付稍後嘅洲際國家盃，一眾主力都已經喺上周報到，並於上周五同墨西哥踢過一場熱身賽，最終打成2:2，今仗作客榜尾嘅肯尼亞，有望全取3分。

非洲區F組

馬膽推介：5場(5)美麗昇華

同場全熱門「喜寶駒」上仗雖壓倒「美麗昇華」，但今次排檔進一步外移，若未能成功切入隨時出事，反觀「美麗昇華」今次執得1檔，形勢上保險得多。