每一屆嘅世界盃外圍賽賽制都略有變動，難度亦屆屆不同，喺歐洲戰線，西班牙上屆就試過取得10戰全勝佳績，不過喺非洲區方面，雖然表面上強弱懸殊，但自1990年世盃外圍賽改打分組賽起，就未試過有一隊可以全勝出線，畢竟當地訓練及交通設施都依然落後，作客就特別難打，要場場贏晒難過登天。

睇番今屆非洲區外圍賽成績，暫時有3隊取得3戰全勝，分別係剛果、埃及同埋突尼西亞，佢哋今輪不約而同都會作客出戰，相信都係時候斷纜，其中以作客塞拉利昂嘅突尼西亞最危，佢哋喺B組3場波不單從未大勝，而且仲場場失波，上輪主場都只係僅勝塞拉利昂2:1，今次由主變客，平手盤都捧唔過。

（開賽時間：周日凌晨0:30）

至於喺非洲名氣最大嘅科特迪瓦，今晚喺C組作客榜末嘅岡比亞，「大象」自年初嘅非洲國家盃後，再冇徵召杜奧巴，雖然上輪都仲可以喺主場贏岡比亞3:0，但諗起由謝雲奴掛帥嘅鋒線就唔開胃，今仗入球細得1.72倍相對偏熱，似乎唔似再係大手交易。（開賽時間：周日凌晨0:30）