出動到「愛國者」喎，南韓今日响世界盃亞洲區10強賽Ａ組賽事，主場迎戰出線競爭對手烏茲別克，小勝應該冇乜問題，1.4倍主勝博得過，狠啲可以諗吓個3.2倍「讓球和」添。（now671及672台、廣東體育周二晚7:00直播）

呢度講嘅「愛國者」，當然唔係指「愛國者」導彈，而係南韓民眾視為英雄嘅朴鍾佑。如果大家唔善忘嘅話，一定記得佢喺一年前倫敦奧吣凶沣~牌戰對日本賽後，高舉「獨島（日稱竹島）係我哋嘅領土」嘅紙牌，呢單嘢幾乎搞到佢銅牌都攞唔到，上場南韓作客黎巴嫩場波，佢都要停賽受罰。

呢個釜山偶像嘅中場今日出得番嘞，佢嗰份愛國熱情，可能就係家吓南韓最需要o架嘞。事關南韓响Ａ組話就話帶緊頭，實際全無積分優勢，而且剩番兩場主場賽事嘅對手，就係有力壓過佢哋出線嘅烏茲別克同伊朗，連主帥崔康熙都形容今場波係「生死攸關嘅決勝戰」，梗係要派個硬漢落去搏殺啦。

老實講，南韓雖然往績佔上風，最近5次主場對住烏茲別克都贏晒，不過佢哋近況好差，自舊年9月起6場波只贏過卡塔爾，仲要場場有失波，所以「康熙大帝」都驚出事，考慮用番朴鍾佑，希望派佢响右路同左邊嘅金致佑互相呼應，拉散對手條防線之外，最緊要係借助佢嗰份狠勁配合金南一做中場掃蕩，實行穩中求勝。 

亞洲區A組