洲際盃B組今晚上演西班牙火併烏拉圭，今次「狂牛軍團」精銳盡出，似乎對鍢酥驹诒氐茫贿^烏拉圭既然可以喺2011年力壓巴西同阿根廷成為美洲國家盃盟主，絕對唔係善男信女！雖然今年初雙方喺歐洲踢熱身賽西班牙輕勝3:1，但今次返到南美洲自然對烏拉圭較為有利，「張峰」相信今晚係一場「細」均力敵嘅比賽，入波唔慌多，1.8倍入球細值得一試。

（無綫明珠台、高清翡翠台周一早上6:00直播）

雖然西班牙嘅不敗走勢已經去到21場，但陣中前鋒表現一直唔多掂，費蘭度托利斯一度陷入低潮，韋拿就因傷未能重拾佳態。論球會表現，最搶鏡反而係蘇爾達度，可惜佢喺國家隊始終得唔到領隊迪保斯基信任，咁又點靠前鋒食胡先？

仲有呀，「狂牛軍團」去到大賽不嬲唔會多波入，以上年嘅歐國盃為例，踢咗6場就有4戰開細，最近3戰亦最多以1球之差僅熟贏波，其中2戰都只係入1粒就收工，火力明顯麻麻，今次仲要千里迢迢作客去到南美洲，表現起碼打個8折，對住實力有番咁上下嘅烏拉圭唔係咁易贏波。

至於烏拉圭嘅火力亦唔好得幾多，老大哥科蘭自轉到國際體育會後就走下坡，另外兩個轉會新聞多多嘅箭頭卡雲尼同蘇亞雷斯，同樣喺球會搏咗成季，嚟到將近暑假隨時出現疲態，難怪呢班波已經連續4戰開出入球細啦！兩邊攻擊力都唔多掂，想睇入球騷嘅朋友可能要失望喇！

現為分組賽階段，8隊分2組，每組4隊進行單循環比賽，每組首、次名進身4強。

近6次交鋒，西班牙取得3勝3和成績。

兩軍連續4次交手開「半場大」。

西班牙連續21場比賽不敗。

唔少人都話西班牙一班主力開始老退，鋒線又缺乏人才，但其實「狂牛軍團」即使出副選，質素亦比今屆賽事大部分對手高，而且佢哋大賽經驗豐富，就算火力唔強，贏波打響頭炮難度亦唔大，1.5倍主勝雖然稍熱，但用嚟做過關膽就弗晒啦！

洲際盃B組