喺兩場洲際盃次輪分組賽上演之前，會有挪威盃16強賽事做前菜，翻查近3屆成績，居然有兩次由次級聯賽球隊躋身決賽，上屆更由甲組仔賀特奪冠。睇番今屆16強形勢，居然仲有6隊甲組隊及1隊乙組仔在陣，由於個別賽事會由次級聯賽球隊互撼，所以肯定會有非挪超球隊躋身8強，但即使喺本圈越級挑戰嘅挪甲兵，其實一樣不容忽視，畢竟挪超因為要遷就國家隊賽事而停戰咗3個星期，狀態點都唔及持續有比賽嘅甲組仔。

本圈最有條件打老虎嘅首推甲組「一哥」波杜基林特，呢隊上屆8強分子今季喺挪甲主場保持7戰全勝，近7場比賽亦取得6勝1和兼僅失1球，表現無懈可擊，反觀作客出戰嘅對手奧特格寧蘭，近4次客戰輸咗3場，係時候行人止步。（開賽時間：周四凌晨0:00）

至於走晒樣嘅上季聯賽冠軍莫迪，今屆挪威盃表現一樣唔掂，上圈對住甲組仔都要去到互射12碼階段先過到關，今仗响主場迎戰近8次作客7勝嘅甲組「二哥」雲希姆，未必可於法定時間內贏波，要捧2.65倍「讓球客勝」。

（開賽時間：周四凌晨0:00）

馬膽推介：3場(2)勇敢福星

表面睇好似進度徘徊，但上場轉戰谷草1200米起步唔多順利，轉彎同直路都要受阻一次，結果都跑得番個第4，就知季內仍然有機會爭功。

今輪為第4圈賽事，如法定時間內打和，將加時30分鐘，未分勝負則互射12碼決勝。