世青盃今晚揭幕戰有A組奪標熱門法國U20火併09年冠軍加納U20，雖然牌面睇法國有祖記星級中場保羅普巴孭飛秤先，但查實外號「黑衞星」嘅加納小國腳潛力同樣深不見底。最緊要係加納國家隊主帥基維斯艾比亞今仗會飛去土耳其觀戰，為大國腳揀人，試問班小將點敢唔搏命？夠晒鬥志兼受讓，力奇捧2.05倍「讓客」。

（TVB網絡電視02頻道、now810台周五晚11:00直播）

加納U20今年3月先喺非青盃取得亞軍，佢哋當日只係喺決賽互射12碼不敵埃及，實力當然唔嘢小。陣中雖然冇乜知名球星，但包括前鋒耶當保亞基同守將艾度巴巴其實早已經係大國腳一分子，另一個前鋒艾治邦則効力安德列治同樣極具威脅。再加上主帥基維斯艾比亞話明今鋪嚟睇吓有邊個小國腳夠質素，可以揀嚟8月幫大國腳踢熱身賽，今晚班人落場仲唔係會搏命？

法國U20呢邊，除保羅普巴之外，前鋒耶耶辛洛高、泰奧雲都話係未來球星，實力信得過。不過揭幕戰好難要求即刻有貨交，要讓波點計都係蝕底。