世青盃8強上演「亞洲內戰」，伊拉克U20今晚對南韓U20，感覺上係大人鬥學生，因為伊拉克U20有唔少球員曾經成為大國腳，相反南韓U20有13個大學球員入選，不過伊拉克U20有王牌阿布度拉謙停賽，平手撐南韓U20好過！

（TVB網絡電視01頻道及now801台周日晚11:00直播）

伊拉克國家隊有尤尼斯撐住，U20就靠阿布度拉謙食胡，佢喺上年嘅U19亞洲國家隊攻入5球，埋門能力唔需要懷疑，雖然佢喺今屆世青盃，暫時只得1球進帳，但佢能夠引開對手後防，作用絕對唔止淨係入波，今場佢停賽，意味伊拉克U20要重新調整打法，大戰前被迫變陣好擇使。

另一方面，南韓U20牌面其實弱到得人驚，陣中兩個所謂外流球員，包括FC橫濱中場羅珍ㄍ駪魟倮嵝o姜允求，根本唔受重用，効力浦項制鐵嘅射手文昌鎮更加冇歸隊，搞到要靠班大學球員孭飛，起初我都唔睇好佢哋，諗住好快玩完，點知可以喺分組賽得第3名勉強出線。

仲有呀，南韓U20喺16強同哥倫比亞U20踢足120分鐘，最後以互射12碼淘汰對方，而且分組賽試過以2:2打和葡萄牙U20，睇得出佢哋啲大學球員夠晒拚勁，即使中央大學射手柳承佑傷咗都唔怕，始終伊拉克U20後防好曳，依家冇埋射手阿布度拉謙，好難複製16強以1:0砌低巴拉圭U20嘅好戲。