一如過往，美洲金盃進行期間，美職賽會係唔會作出任何配合，繼續如常打波，加上今屆金盃參戰大軍都冇乜選到旅歐兵團，搞到美職聯盟內19支球隊當中，僅得3隊可以置身事外，分別為蒙特利爾衝擊、新英倫革命同埋科羅拉多急流，值得大家優先留意。

冇球員入選金盃大軍嘅3支美職大軍當中，應以蒙特利爾衝擊（圖）最值得捧場，佢哋話晒喺東岸暫列榜首，近7場波有6戰入多過兩球或以上，火力值得信賴， 朝主場迎戰近14戰僅1勝嘅美國芝華士，1.78倍「讓主」抵玩。

（開賽時間：周一早上7:00）

至於受金盃影響最大嘅美職球會，應首推波特蘭伐木者，佢哋有3名主力要踢太公波，實力難免大減，難怪即使開季至今僅輸1仗，今仗作客近6戰5負嘅哥倫布機員，主客和賠率都係較冷嗰隊，平手盤點都撐主隊。

（開賽時間：周一清晨5:00）