东亚锦标赛今晚上演「中韓大戰」，南韓喺華城對中國主1.55倍主W要熱捧!雖然南韓冇徵召歐洲外流球員，但新教頭洪明甫親自落場為球員進行特訓，擺明要開W，加上韓國得到少女時代派出兩大女神打氣，士氣無敵抵撐!

　　(now633、635、中央5台及廣東體育周三晚7:00直播)

　　東道主南韓首場分組賽被澳洲守和0:0，全場瘋狂作出23次射門冇斬獲，搞到新教練洪明甫相當氣頂。由於洪明甫球員時代司職中堅，據講佢近日喺練波期間，試過親自落場，教陣中3個前鋒金東燮、金信煜同徐東炫點樣擺脫對方後衞埋門，同埋點樣走位配合，可想而知，今場對洪明甫嚟講真係唔可以再衰。

　　洪明甫落埋場教波

　　事實上，韓國傳媒對洪明甫由U23教練轉做國家隊教頭後，普遍認同佢首場比賽嘅執教水準，而且被喻為韓國軍民信仰嘅少女時代，近日派出兩大女神Yuri同Seohyun為國家隊拍視頻打氣，連佢哋都話對洪明甫充滿期待，加上後衞金英權喺中超搵食，熟晒國足入面嘅廣州恒大隊友路數，有佢做無間道開W又易啲。

　　另一方面，國足首場分組賽喺完場前連入兩球以3:3打和日本，算係執身彩，問題係佢哋3個入球有兩個係中場王永珀射入嘅12碼，原本入咗雪櫃嘅翼鋒曲波同杜威，解凍後又即時打正選，個人實在對依家嘅國足完全冇信心。

　　更多球场资讯请访问皇家彩世界：http://www.133918.com/