红钻主力去晒踢「太公波」

　　阿仙奴今夏亚洲之行够晒正气，继印尼、越南两站怒炒对手，日前出战旧东家名古屋鲸鱼都冇留手，今晚踏入最终站面对浦和红钻，相信会贯彻进攻本色。相反红钻多名主将替日本征战东亚锦标赛，难阻兵工厂为行程画上完美句号，2倍「让客」咪错过。

　　(亚视本港台周五晚6:30直播)

　　日本国脚征战东亚锦

　　阿仙奴喺亚洲势头咁劲，头号功臣当然係3场攻入6球嘅基奥特，配合埋表现生龙活虎嘅禾确特边路快放，以及面对乡亲父老肯定搏尽嘅宫市亮，强大火力唔讲得笑。再者中场阿歷士张伯伦同门将施捷斯尼有望赶及復出，进一步巩固攻守能力，要维持之前几站Sharp醒表现唔难。

　　今场係阿仙奴亚洲之行最后一站，同时亦係埼玉盃戏码，不过「县代表」浦和红钻想发威怕且好难，事关中场铃木启太因为拉伤大腿肌肉，今场肯定缺阵外，进攻主力塬口元气、防线核心槙野智章同森协良太又帮紧日本踢紧东亚锦标赛，对于习惯排3人防线嘅红钻，霎时间冇咗两件后防主力，点顶得住来势汹汹嘅阿仙奴。