欧霸新丁史云斯喺第3圈首回合打响头炮，力数对手马模4蛋，但小妹相信呢隻「天鹅」今晚去到次回合作客亦唔会「Hea踢」，力求赢波安全晋级，以佢哋嘅斗志加实力，绝对有力开出2倍客W!

　　(开赛时间：周五凌晨1:45)

　　史云斯自前季升上英超后就不断为球迷带嚟惊喜，相信今季喺欧洲赛会有一番作为!「天鹅」今夏新签入嘅攻击手韦菲特邦尼同埋舒维尔，喺首回合表现都非常对办，前者更攻入1粒，由爱斯宾奴引入嘅西班牙U21中坚佐迪阿马特更係获领队米高卢特立大讚，要靠实力赢埋次回合根本唔难。

　　安祖兰基讲明唔Hea踢

　　虽然马模近4次主场全胜、只失1球嘅战绩颇为抢眼，不过佢哋嘅对手多数係瑞超球队，实力普遍唔强，首回合作客史云斯亦都证明咗两军实力有几悬殊。最紧要嘅係史云斯后衞安祖兰基讲明，佢同班队友都唔会因为首回合大胜就「放水」，摆明要赢多一镬，要延续近6战全胜、丧入25球嘅纪录，又点会有问题先?

　　首回合：马模输0:4