「暴发户」摩纳哥今晚会迎来回归法甲首战，作客上季中游分子波尔多，呢支升班球队今夏大洒金钱买入法卡奥、摩天奴同杜拿兰等星级球员，无非想达成夺得欧联席位嘅目标，小妹相信以佢哋嘅阵容有力打响头炮赢波，2.25倍客W信得过!(now714台周日凌晨3:00直播)

　　王牌法卡奥热身赛对办

　　摩纳哥今夏豪花近1.3亿欧元狂扫「名牌货」，由云尼亚里领军嘅阵容绝对唔差得过巴黎圣日耳门，难怪PSG新帅白兰斯都话佢哋係今季争标最大劲敌。不过唔知係咪云帅落咗柯打，摩纳哥成班球员个个都只係话以欧联席位为目标，绝口不提争标，似乎係想帮球队减压，踢得冇咁紧张，发挥自然更理想啦!

　　况且王牌前锋法卡奥加盟后表现对办，4场季前赛共省入4粒，对住热刺更加梅开二度，绝对有力延续上季欧洲第3射手嘅威势，拍住占士洛迪古斯等攻击手，要射爆波尔多根本冇难度。波尔多上季表现不过不失，但今季阵容变化唔大，最大手笔嘅收购只係由堤格雷买入左闸卢卡斯奥班，要同法甲争霸分子嘅摩纳哥斗，真係难啲喇!