日职今日有场好波上演，由近况好唔错嘅名古屋鲸鱼出战争标热门之一嘅浦和红鑽。两队波前排分别同过阿仙奴踢热身赛，结果同样输波，但之后又咁啱齐齐两连胜!睇番鲸鱼近两季对住红鑽都输晒，「格食格」之下，都係要红鑽稳阵，直取2.18倍客胜!(有线61及201周六晚6:00直播)

　　近3次对赛赢晒

　　鲸鱼依家只係排联赛中下游，虽然近况唔错，不过球队始终都有唔少问题要解决，好似教练史杜高域本身崇尚进攻足球，以致防守经常出现甩漏，即使近期个势几好，但计埋热身赛连续9场有失波，今场对住攻守实力都咁平均嘅红鑽，难免畀人睇低一线。

　　夺标热门浦和红鑽之前遇上小低潮，曾经令人担心，好在近期已经全面复甦，上个礼拜以3:1击败榜首广岛三箭嗰场，更加係漂亮一仗，除咗争冠机会大增之馀，亦打下强心针。提提你，红鑽近5次对住鲸鱼有4胜1和一面倒成绩;最近3次对赛，更加係直落赢晒，今场乘勇再赢，都应该无乜问题啦!

　　顶占笋盘：浦和红鑽(客胜)