葡萄牙超级盃可以话係波图嘅天下，事关超过一半嘅冠军奖盃都由佢哋攞走，呢支葡萄牙劲旅一共赢过19次冠军，比起宾菲加同士砵亭加埋嘅11次仲要多。佢哋今晚同实力麻麻嘅甘马雷斯争标，1.65倍「让球主胜」要捧。(有线155周日凌晨3:45直播)

　　虽然波图将中场摩天奴、占士洛迪古斯卖畀摩纳哥，不过射手积臣马天尼斯、中场迪科亚、守将文加拉等三线主力犹在，球队又补入昆特路、靴里拉等潜质优厚嘅小将，实力依然有保证。而且佢哋近7场热身赛赢6场，手下败将包括拿玻里、马赛等球队，一众球员状态已经操起，今场要赢多过一球唔难。

　　对手甘马雷斯实力一般，上季只係喺联赛中游徘徊，球会又放走一对主力射手艾美度巴尔迪同苏丹尼，只係补入尼日尔前锋马素，实在好难畀到人信心。上季2次交手，波图2次都派足4隻蛋畀甘马雷斯，就算今场派少一半，撑「让球主胜」都有钱落袋!

　　葡超盃赛制

　　如法定时间内打和，将以互射12码决胜。