住在香港既人总系好中意嘈佢地既交通有几唔掂，好似成日话，九巴几时又加价班次又唔准-。港铁仲衰格、加价都不特止仲要坏车。拿，公道讲句，嘈都好正常，正如古语有云，有批-评先有进步。环观世界咁多个发达城市，有边个地方系唔中意批评。不过如果响澳门生活返-几年，仲要咁唔好彩你返工既地点系行唔到去你住既地方，经历一段时间之后，你就会开始-挂住九巴同港铁，甚至有种衝动想即刻腿张开俾佢地老强。

　　有去梳打埠玩过既朋友即刻问：「有无咁差呀？」我心谂，过大海玩既港灿，十个有十个坐-发财巴，点知民间疾苦呢。甚至有朋友过黎玩，我话同佢去坐巴士，佢树熊咁既样望住我：-「下，乜澳门玩要俾钱坐巴士既羊？」所以，你真系唔会明。

　　如果系一个北京人落黎澳门，经历过北京地铁果种你唔落车都俾人夹到落车，自然接受到响-澳门搭车。响香港生活开，就好难令人接受同样系一国两制下既城邦沦落到咁既地步。先讲-排队呢样野，虽然排队并唔系所谓既国际标准，响澳门坐巴士，无排队之馀，架车埋站都未-停低，全部人唔理系地盘佬自由行定系著住老西，个个都一窝蜂衝晒上去拥到实一实。如果-等紧车既人系北韩人民，我好肯定，个车门系金正恩。

　　咁好彩俾你上到巴士，如果你话澳门细迫都系迫一阵好快落车，咁你就契弟勒。相同距离，-俾你响香港坐廿分钟既，澳门坐巴士閒閒地都搞返你成粒钟。返放工坐起巴士上黎加个塞车-，两粒钟不是梦。车程耐都算，我顶佢座位仲要得丁屎果几个。好啦，无位坐唯有安慰自己-，个位都系闻人屁股。企住本身迫都唔系问题，港铁都系咁迫。最大分别系港铁都算企得舒-服，港铁达人，两隻手玩手机都仲得。响澳门就无呢支歌仔唱。国产巴士行车摇下摇下好似-就黎散咁，避震抛到开花，再扔多几个湾，出尽奶力紧握扶手手都扯断咁滞。返工散左一半-，坐巴士就散埋果另一半。

　　香港坐巴士有得座下训下打下机睇下剧。澳门坐车除左捉住扶手，就系捉住扶手，巴士痴汉-想丁都无手可以用。难怪响澳门街有咁多人自己买车。塞车系预左，至少都叫返放工果阵有-细艺过下日辰。听闻澳门学生留级率亚洲第一，咁垃圾既交通肯定起左唔少贡献，至少我呢-种考试前仲响巴士温书既废青肯定上唔到U。

　　讲到澳门自己揸车，多左人有私家车，条路塞左都好正常。有人话买左车唔一定会揸。澳门-公共交通垃圾到呢个程度，你话有钱买架车返黎平时去迫巴士，搵鬼信啦。好多司机嘈车位-贵，又话工程搞到条街少左几个车位。一个月新增九百几架机动车，当有一半系电单车，每-月几百架私家车，都够推晒个车位月租上去。有钱买车，其实都唔一定有脑。

　　澳门街最搞笑既系，政府一边话要学新加坡控制私家车增长，一方面平时路边车位平到喊，-几蚊个钟，唔揸车就有假。香港过黎澳门既同事，好多都自己有部车。唔系因为佢地人工高-，系买车同牌费平到笑。另一边，废车无地方去，废车场收车价又平，好多澳门人换车，都-情愿万几蚊卖旧车出去算数。有同事平到用七千蚊买左部企企理理既车，平时泊街边，一个-月抄一两次牌，都平过响香港泊停车场啦。