西班牙於歐國盃8強戰藉沙比阿朗素梅開二度，2：0擊敗法國晉身4強，將於周四凌晨與葡萄牙爭入決賽。

法國為應付攻力強勁的西班牙，以馬隆達及雷維李尼代替雙翼拿斯尼及賓艾化，惟防守力未見加強，進攻卻失去應有節奏及默契。西班牙亦再以法比加斯取代費蘭度托利斯擔任單箭頭，令開賽初段雙方鮮有攻門。及至19分鐘西班牙第2次射門已取得入球，左翼衛佐迪艾巴左路底線傳中，第100次為西班牙上陣的沙比阿朗素無人看管頭槌破網。恩尼斯達、沙維及法比加斯及後攻門無功而還，法國中場卡比耶直射罰球亦遭西班牙隊長卡斯拿斯及時撲出。西班牙挾着1球領先優勢返回更衣室。

法國易邊後加強前場壓逼力，惟西班牙眾將快速補位力保不失，並控球在腳繼續掌握比賽節奏。右中場迪保治接應列貝利左路傳中頭槌攻門，已是法國下半場最具威脅埋門。法國及後調入文尼斯、拿斯尼及基奧特反撲不果。相反西班牙調入柏度洛迪古斯完場前博得12碼，沙比阿朗素操刀中鵠，以2球淨勝法國晉級。