阿根廷老牌樂隊Memphis La Blusera成員奧迪路，日前因車禍逝世，呢位樂隊主音生前係沙士菲頭號擁躉，班球員好似艾雲比拿同桑馬天尼斯賽前就話，希望 朝對住堤格雷攞晒3分，將勝利獻畀奧迪路，咁有決心，主勝當然要捧場。

自從沙士菲喺自由盃8強出局後，阿甲冠軍就成為終極目標，最近就連贏高隆同拉費爾拿， 朝化悲憤為力量肯定更落力。盛傳華倫西亞想出300萬歐元斟桑馬天尼斯，呢位沙士菲首席射手就話暫時唔傾轉會，過埋今季再考慮前途，對陣營士氣當然有幫助。

堤格雷近5場作客都失分
陣容方面，沙士菲守將古比路坐完波監，中場國腳奧古士圖費南迪斯亦歸隊，教練加里卡可派強陣出擊。對家堤格雷上仗以3:1擊敗聖羅倫素，但查實對手有兩件被逐，所以大勝亦唔足以反映狀態。況且堤格雷近5次阿甲作客全敗失分