歐國盃：咪理隔籬場 意大利贏咗先算
2012/06/18文:李克勤
大賽球員同做歌手一樣，上到台一定要臨危不亂。上場費托就表現出身價，兩個精彩入球協助西班牙擊敗愛爾蘭，今場要同克羅地亞爭C組一哥位，當然毫不留力出戰啦！狀態好的還有大衞施華同法比加斯，要再下一城都應該幾樂觀。克羅地亞在首場有突出表現後，上場逼和意大利都踢得不錯，相信西班牙領隊迪保斯基都不敢輕敵，特別要提防對方的中場發電機莫迪歷及兩場入3球的文迪蘇傑。

做好本分最緊要
另一邊廂意大利面對已肯定出局的愛爾蘭，寄望西班牙該場能分出勝負，假如克西之戰打成2比2，但在計算對賽成績後，則意軍贏愛爾蘭幾多球都要出局，但先不理隔籬場戰果如何，意軍都要先做好本分，即今場非勝不可，卡斯辛奴等中前場球員要爭番口氣，改善射門把握力，而派路上場射入的罰球極具意義，因他超越施丹成為歐國盃史上射入罰球最大年紀球員，更加是意大利在歐國盃第200球。

「叻人講波」節目播出後，深受球迷歡迎，十分感謝國際裁判導師陳譚新先生及靚女菁菁的鼎力相助，每晚將足球開心的一面送給大家，記住我們的宗旨是：「活着為求甚麼，不如一齊睇波！」

英格蘭擁躉李克勤，今屆化身成nowTV歐國盃大使陪你睇足31場大戰！