FC多倫多難擋戴拿模
2012/06/20文:笛子波童

三將賽前夜蒲醉酒鬧事
美職周中開快車，FC多倫多作客侯斯頓戴拿模賽前爆出醜聞，三名球員光顧當地一間夜總會時醉酒鬧事被警方拘捕，紀律差成咁，目前排聯賽榜包尾絕對有原因，波童今場捧「讓球主勝」。



據美國傳媒報道，三名FC多倫多球員包括荷蘭前鋒蘇斯馬、美國中場路爾斯施華及智利後衞米基爾艾斯華喺周一晚光顧休斯敦一間夜總會，兩杯到肚竟然醉酒鬧事，結果要由警方到場調停，並將一干人等拘捕，球會方面已承認真有其事，並承諾會展開調查。

作客輸晒 玩多過踢
雖然FC多倫多暫時未作出任何處分，不過球員喺比賽前發生啲咁嘅事，本身心態已經有好大問題。FC多倫多今季十一場聯賽輸十場，其中五場作客全部輸晒，令人聯想到佢哋作客根本似去玩多過比賽。

侯斯頓排聯賽十一位成績不過不失，但勝在主場表現穩定，四場聯賽取得三勝一和，今場穩袋三分，如果嫌1.45倍主W太熱，可捧2.3倍「讓球主勝」。